Catálogo · EXPONAV Museo Construcción Naval – Páxina 2 – Piezas más destacadas del Museo

MAQUETA DISCOVERER ENTERPRISE

Maqueta do Discoverer Enterprise, unha das unidades de offshore máis grande do mundo, construída nos estaleiros de Fene en 1998. En xaneiro do 1998 durante un temporal, rompeu amarras e terminou batendo contra a Ponte das Pías, destruíndo parte do mesmo e deixando á cidade de Ferrol prácticamente illada de forma temporal.

SOLLADO SÉCULO XXI

Escenificación da cámara de oficiais, os camarotes dos suboficiais e de mariñeiría e os aseos dunha fragata tipo FFG do século XXI.

Embarcación de madeira con varios cortes que mostran a construción a tapaxunta.

TALLADORA VULKAN

Primeira máquina empregada para fabricar modelos a escala de buques, para proba e ensaio dos mesmos, no Canle de Experiencias Hidrodinámicas do Pardo.

O vapor Comercio, que pertencía á empresa “La Herculina Ferrolana”, que á súa vez mercárao en 1901 en Glasgow (Reino Unido), transportaba pasaxeiros e mercadorías entre Ferrol e A Coruña.

Maquetista: José Francisco Rodríguez Fernández

RÉPLICA DO BORNA

Réplica do Borna; evoca a construción naval prehistórica en coiro, utilizada para navegar entre Irlanda e Galicia.

Inspírase nos Petróglifos de Borna e na nave Borna construída no ano 1974.

MAQUETA DE MARTELO PILÓN

Esta maqueta reproduce o mecanismo de funcionamento dun martelo pilón, empregado en numerosas ferrarías ubicadas nas beiras dos ríos. Este mecanismo aparece descrito no Códice Madrid I, páx. 6V, de Leonardo da Vinci, que se atopa nos fondos da Biblioteca Nacional de España.

PLANOS DO REAL FELIPE

Tres planos que mostran a construción do buque Real Felipe.

PORTA MADEIRA DE FILIPINAS

Peza de madeira de Filipinas tallada en forma de orza que servía como porta dunha canle de regadío ou dun dique.

A súa importancia radica no tratamento que presenta un dos seus lados, probablemente o que estaba en contacto coa agua salgada, que buscaba garantir a impermeabilización seguindo as técnicas de calafateado e careado propias da construción naval en madeira.

ORDENADOR OLIVETTI P 6066

Ordenador Olivetti composto por monitor, teclado, unidade de discos e unidade de lectura e grabación de cinta afuracada.

Foi dos primeiros ordenadores para uso persoal que apareceu no mercado.

DISCO WINCHESTER

Primeiro modelo de disco duro con cabezas incorporadas, empregado nos ordenadores IBM serie 360/370, con 250Mb de capacidade, da xeración de equipos de tarxetas afuracadas.

Medios cascos empregados entre os anos 1900 e 1975 na Oficina técnica do Estaleiro, serven para definir os contornos das tracas que forman o forro exterior.

NAVÍOS DO SÉCULO XVIII

Cortes transversais das seccións centrais duns buques, nos que se pode ver a estrutura da caderna mestra e de parte da arboradura.

Pequena embarcación típica das Rías Baixas de Galicia destinada á pesca do polbo, está restaurada “a madeira vista” e procede de Bueu (Pontevedra).

CRUCEIROS CANARIAS Y BALEARES

Maqueta que representa os chanzos de construción do Estaleiro de Ferrol con dous barcos, un preparado para ser botado, o Canarias, e o outro, o Baleares, todavía en construción. Escala 1:100.

FRAGUA DO SÉCULO XVIII

Recreación dunha das 32 fraguas existentes no edificio de Herrerías, destinadas á fabricación de ancoras e cadeas.

Nelas chegaron a traballar 144 operarios. Na recreación pódese ver a un mestre, un oficial e un aprendiz.

SECCIÓN DE TURBINA E REDUTORA

Corte dunha turbina que mostra as tres partes dela: paletas de ciar, de cruceiro e de navegación. Complétase coa redución necesaria para atacar a hélice.

MÁQUINA ALTERNATIVA

Máquina alternativa de vapor de dobre expansión seccionada. Trátase dunha máquina de combustión externa que transforma a enerxía dunha certa cantidade de vapor de auga en traballo mecánico.

MAQUETA CRUCEIRO CANARIAS

A maqueta representa ao cruceiro tal como se atopaba durante a Semana Naval de Barcelona, en xuño de 1966. O Canarias pertenceu a unha serie formada por dous cruceiros pesados, inspirados na clase County. Escala 1:60.

F-105 CRISTÓBAL COLÓN

Maqueta que representa a F-105 Cristóbal Colón, pertencente á clase de fragatas F-100 ou clase Álvaro de Bazán, empregadas pola Armada Española e fabricadas nos estaleiros de Navantia Ferrol.

MAQUETA BOTADURA ARTEAGA

Maqueta que representa a botadura en 1972 do petroleiro Arteaga na grada número 1 do estaleiro de Astano. Foi o maior buque construído nun chanzo ata entón, cun peso dunhas 325.000 TPM (toneladas de peso morto). Estivo en servizo dende 1973 ata 1984. Escala 1:200

BOTE DE CONSTRUCCIÓN MAPI

Bote de construcción chamado MAPI arborado con pau e vela latina característico das rías de Ares e Ferrol. Foi construído por Manuel Picallo hacia o ano 1970 na localidade de Redes.

ESTALEIRO DE ASTANO

Maqueta que reproduce o Estaleiro de Astano dende a Ponte das Pías. Nas súas orixes comezou sendo unha empresa privada, fundada por José María González Llanos. Hacia finais dos anos 60 especializouse na construción de petroleiros coma o Arteaga. Na actualidade pertence a Navantia e conta con dous chanzos de 337 metros, dous diques secos e un guindastre pórtico que levanta 800 toneladas. Escala1:1000.

CENTRALITA TELEFÓNICA SECN 1915

Centralita telefónica, procedente da Sociedade Española de Construción Naval, conta con chavetas, cableado, teléfono, moble de madeira e soporte de ferro fundido.

ESTALEIRO DE PUERTO REAL

Maqueta do Estaleiro de Puerto Real de Cádiz. Foi inaugurado en 1878 polo Marqués de Comillas e ao longo de toda a súa historia tivo diferentes propietarios, dende a Sociedade Española de Construción Naval, ata Navantia, a quen pertence actualmente. Con máis dun millón de m2 é o estaleiro máis grande do país. Escala 1:1000.

MAQUETA DIQUE REINA VICTORIA EUGENIA

Maqueta do dique número 2 de Bazán, o Reina Victoria Eugenia, feita con motivo do seu cincuenta aniversario. Este dique foi construído entre 1909 e 1913 baixo a dirección técnica dos enxeñeiros Brooks e Arístides Fernández. No seu momento foi o maior de España e un dos maiores de Europa. Escala 1:1000.

INTÉGRAFO STANLEY

Chamado así polo seu autor, Sprague Stanley, este intégrafo é un instrumento mecánico empregado para calcular áreas de sección dun buque directamente sobre o plano.

cabestrante

Dispositivo mecánico que pode ser accionado manualmente ou por un motor eléctrico e que serve para levantar ou desprazar grandes cargas.

Procede da antiga machina de arbolar do Arsenal de Ferrol.

CAIXA DE CUADERNAS

Autómata didático que desprega as cadernas da caixa de caderas ao longo da eslora do buque.

MAQUETA DO ESTALEIRO DE GUARNIZO

Maqueta que representa o Real Estaleiro de Guarnizo (Cantabria), que entre os séculos XVI y XVIII foi un dos máis importantes de España. Escala 1:200.

Nel se construíron importantes navíos, como o que se ve en construción na maqueta, o Real Felipe botado en 1730 que con 114 canóns era o máis poderoso do seu tempo e o buque insignia da Real Armada.

CATÁLOGO DE PEZAS PRINCIPAIS
Museo da Construción Naval de Ferrol
EXPONAV

O Museo da Construción Naval de Ferrol, unha actividade da Fundación Exponav é un museo único na súa temática, sendo por tanto o máis importante de España en canto a Construción Naval. Entre os seus fondos podemos atopar todo tipo de pezas propias desta disciplina, como ferramentas de construción, sistemas de
propulsión, maquetas e mesmo os restos dunha fragata afundida en 1810.

Todo iso, dentro dun edificio singular, con tanta importancia como a propia colección de pezas, unha antiga ferrería do século XVIII, destinada á fabricación, entre outras cousas, de áncoras e cadeas, chegando a albergar no seu momento a máis de 140 traballadores.

SECCIÓN DE TURBINA E REDUTORA
Corte dunha turbina que mostra as tres partes dela: paletas de ciar, de cruceiro e de navegación. Complétase coa redución necesaria para atacar a hélice. ...
MARTELO SUFRIDOR
Ferramenta empregada para golpear ensambles, armaduras, mangos de formóns, remaches etc.
MAQUETA DIQUE REINA VICTORIA EUGENIA
Maqueta do dique número 2 de Bazán, o Reina Victoria Eugenia, feita con motivo do seu cincuenta aniversario. Este dique foi construído entre 1909 e ...
CABRESTANTE
Dispositivo mecánico que pode ser accionado manualmente ou por un motor eléctrico e que serve para levantar ou desprazar grandes cargas. Procede da antiga machina ...

PLANTA BAIXA

O Museo comeza na planta baixa do edificio Herrerías. A primeira etapa do percorrido se subdivide en cinco módulos temáticos.

PRIMEIRA PLANTA

A Sala de Exposicións temporais aloxa mostras pictóricas, fotográficas, e artísticas de temas tocantes á mar.